ليلة البارح بلا صوتك .. حزين
كل شي حولي لبس ثوب الحداد
كم لمحت الخوف عاقد حاجبين ؟!
يوم شوقي صدر وغيابك زناد
كنت اقلب وحدتي بين اصبعين
وامتلى كفي من عيوني مداد
زارني برد انتظاري بـآهتين
احرقتني واتركت كومة رماد
ما سألتك يوم لاقيتك منين ؟!
كانت الحيره ..وش اسباب السهاد ؟!
من عرفتك كن ما عشت السنين
من عشقتك ما غفى جفني و(ناد)
مكتئب وجه الوسايد ..(آه) لين :
غصب عن ام التعب ...مات الرقاد
كيف اضم الليل والغربه يدين؟!
كيف مـ(أ ت ن ا ث ر) ليا قلتي: (إياد) ؟!
من غرف من صدري المنهك حنين
من سقى من شفة احلامي وزاد ؟!
المحي لك في طرف عيني اليمين
دمعتين اتصيح ..(لا تطري البعاد)
كم غرست فـ مهجتي كلما تبين ؟!
ذبلت اشجاري ولا جيتي حصاد
امتلى بستاني الخاوي طنين
وليلة البارح قسى قلبك!!..جراد
ليلة البارح بلا صوتك.. حزين
كل شي حولي لبس ثوب الحداد
رغم حزني يسألوا ليه الانين ؟!
ما دروا للحزن في وجهي بلاد
ثرثرة وحشة غيابك ..وين؟! وين؟!
والصدا لي عاد..يسأل: هاه!! عاد؟!
احلفي مره على وعدك تجين
ما ابيها شوق أوفيني (عناد)
وش أخباري ؟!
على حطة يدك
من آخر ما سمعت اسمي من شفاتك
ولبّيتك ..
شرغت بـ \\\"هاه\\\"
يا لبا عروقك وضحكاتك ؟! غريبه !!
ترا توي انتبهت اني من البارح
وانا ماني معي ؟!
سارح !!
احس ان البشر حولي مجرد ناس
و \\\"احس\\\" =? هذي بليا احساس اووف!!
تعال وخذ عيوني واعطني شوف
حفظت الدروب اللي نهايتها عيونك
ونسيت اضحك
نسيت افرح
ونسيت احلم
وش اللي بذكره يا بعد عمري بدونك ؟!
من ليلة أول ما تلاقينا
بلا موعد ..
رسمنا للوعد مركب
وللمركب بحر وامواج
وهاج الشوق..فينا هاج
وجدفنا بأغانينا
واخذنا برحلة هـ اللقا
حلمٍ تثرثر به امانينا
رسمنا كل هالدنيا حوالينا
.
.
ونسينا نرسم المينا!!
على طاري الفراق اللي كتبته عنك بأشعاري؟!
وش اخباري؟!
الين اليوم تتخيل لقانا كيف؟!
انا رتبت كل اللي بقول وكيف ..
جلست احسب سنيني
مـ بين الشوق والذكرى
وراحت الذكرى مع ذكري
.
.
.
وما بقى بكرى!!
اشتقت اضمك وآتنفس حنانك
واغفى على صـدرك واناغي خلاياك
وارسم على وجه اشتياقي عشانك
العمر يضحك كـل ما كنت وياك
لي طـار من بين الشفايف جنانك
كن الصدر والقلب شرفه وشباك
مثل الطفل تحرج بضحك زمانك
وتبعــثر العـابك بهـالقلب وأشياك
وليمن تثنى فـ الصـدر خيزرانك
آغص/ وأشرق/ وارتبك /وآتمناك
ما عاد يطرب مسمعي غير دانك
تذكر..عروقي يـوم ترقص لمغناك؟!
اطلقت لخيول الاماني عنانك
واسابق اسراب الســوالف علـى شفاك
وشلون ينبت ف الضلوع أقحوانك
يا ريحــة اشواق المحبـين لباك :
عاشـــق فناجينه تبـي زعفرانك
وما صـب قهـوة لوعته غير يمناك
مشتـاق اضمـك وآتنفس حنانك
واغفى علـى صـدرك وتسهر خلاياك
تجي نضحك على بعض الجروح بْزعمنا احباب!!
تجي نوهم خناجر هـ الجفا بْوعـود كذابه؟!
تجي مره انتلاقا ابلا وعد أو أسأله وعتاب
مدام ْيلفنا صمت المكان ومغلق ابوابه
الين اسأل: تفارقنا ؟!!تصيح الاه :يا كذاب!!
كذا وبلا شعور اذكر فؤادي..يوم تحيا به
على طاري الفراق اللي ذبحني ..كيف جرحك؟! طاب؟!
لأني ما قدرت انسى ملامح كلمة : اشقى به
لاني من زمن انزف سؤال الناس والاصحاب:
تفارقتوا؟!!..غريبه ؟! كيف ما تبكي من غيابه ؟!
مع اني ممتلي في كل ضلع بداخلي منصاب
سوالف كلها تذبح حنيني شوف ….. (تتشابهه)
انا ما كنت ابي منك تبديني على الاقراب
انا كنت آتمنى ألتقي بفواد وابقى به
خطا مني فتحت الباب لكنك فتحت ابواب
وضيّفت الوجع في صدري اللي كنت اولى به
تعرف المشكله لو هي على عضه تجي من ناب
ابوهب كل حسرات الندم فـ ابهام ..واسخى به
انا جيتك وباقي في حنايا طعنتك محراب
تصلي لك جروحي مْن الوله وتصيح : يا يابه
حرام انعيش في نفس الزمن وقلوبنا اغراب
تعال وخل يقول البعد من غيضه :لقى احبابه ؟!
ترى تو اكتشفت المسأله .ماهي وش الاسباب؟!
لان ما يعني الميّت ؟!! اذا بيموت بثيابه
ان شاءالله تكون المسجات اعجبتكم
yaml7ee
الأحد نوفمبر 25, 2007 11:11 pm
