اصعب سؤال

موضوع: اصعب سؤال الإثنين ديسمبر 24, 2007 4:45 pm

مســــــــاء//صبـــــــاح الدفا والحنين.

قصيده اعجبتني حبيت انقلها لكم

للأستماع : http://www.dwaihi.com/poem1/43jarallah2.ram

اصعب سؤال اللي جوابه للاسف مثله سؤالماهو تفلسف الا موقف صار واسمع ثاني بيت
البارحه يومه سال وش ذكرك ذيك الييال؟؟
كان الجواب بكل بساطه من متى اصلا نسيت؟؟
ادري بان جمع الصعوبه والبساطه شي محال
لكنها صارت كذا واللي اهم اني دريت
ان الحياه في بعد احبابك اذا جف الوصال
تعيشها لو تقتنع انك خلاص اصبحت ميت
ياصاحبي لو كل شي يمر بالخاطر يقال
ماكانت العبرى تولجني اليا منك طريت
شفني قدرت احبس دموعي بس دمع القاف سال
وياكبرها ساكت ولكن داخل اوراقي بكيت
عمر الحكي ماكان دافي لابتدى بقولة تعال
لاجل اتجاه انرجفت حروفي ليا مني حكيت
الحال في بعدك قسمابالله ماسميه حال
انوي على الضحكه واحس كلي خطا لاني نويت
اتصور انك من رحلت اشوفك لجسمي ظلال
لاشفته امشي ببتعد واثره معي مهما مشيت
مادام يعني في بحرك لفرحتي مليون جال
وشفيه موجك ماركد قربت اموت ومارسيت
يرضيك ماعادت معي تفرق ااذا جالك مجال
لاني اقتنعت انك نهايه واني ببطي مابديت
صرت اعقد حجاجي اذا جابوك بطراف الجدال
ونا قبل لا قالوا اسمك كني ميت ثم حييت
تعبت اعيش الدور وافتح للمعاذير الخيال
واتخيل اني جيت في بالك وبانك استحيت
وتردلي كلك وله وتقول كن البعد طال
ومن الفرح ماعاتبك وقول ياخي مابغيت
حتى ونا اتخيل حشمتك لان قلبي لايزال
يكرر اسمك داخل اعماقي بنبضه لا سهيت
قلي شاسوي فيك وانت بداخلي اصدق مثال
للحب واحساس القصيد من عانق الليل وسريت
ربي يصبرني على الفرقا مادام الحظ مال
وانت بيجيلك يوم تعرف ليه في بعدك شكيت
واذا بلاك الله وعذبك اشتياقك بس تعال
واقرا القصايد في غيابك كل ابوها بيت بيت
وتدري ان اصعب سؤال اللي يجي رده سؤال
لاقلتلي وش ذكرك؟؟ ثم قلتلك متى نسيت؟؟
نزف الشاعر محمد الجار الله السهلي دمتم بكل الود yaml7ee

موضوع: رد: اصعب سؤال الإثنين ديسمبر 24, 2007 6:57 pm

مشكورة على الموضوع الرائع ..

تحياتي ..

هلا وغلا

اسعدني تواجدك

تقبلي تحياتي